کیتھرین مینسفیلڈ کا افسانہ : کبوتر اور کبوتری (Mr. and Mrs. Dove)
عالمی ادب کے اردو تراجم (انتخاب افسانہ) افسانہ نمبر 495 : کبوتر اور کبوتری تحریر : کیتھرین مینسفیلڈ (نیوزی لینڈ) مترجم : ڈاکٹر صہبا جمال شاذلی (نیوزی لینڈ) بے شک وہ اچھی طرح جانتا تھا کہ کوئی شخص بہتر نہیں ہو سکتا ، کہ اس کے پاس موقع فراہم کرنے والا کوئی جن یا بھوت تو ہوتا نہیں ، اور نہ ہی کوئی دنیاوی مدد۔ اس طرح کا خیال یا تصور بھی اوٹ پٹانگ اور مضحکہ خیز تھا۔ اتنا مضحکہ خیز کہ وہ اس بات کو اچھی طرح سے سمجھ لے گا کہ اگر لڑکی کا باپ —— خیر اس کا باپ جو کچھ بھی طےکرے ، وہ پوری طرح سے سمجھ جائے گا۔ یہ احساس اس کے لیے انتہائی مایوس کن تھا کہ وہ دن اس کا انگلینڈ میں سچ مچ آخری دن تھا ، خدا جانتا ہے کہ وہ کتنے عرصہ سے خود کو اس کے لیے تیار کرتا رہا تھا۔ اور پھر اس وقت بھی …… اس نے الماری کی دراز سے ایک نیلی اور کریم رنگ کی چوکڑی والی ٹائی نکالی اور پلنگ کے کو...
